Ishq Ka Zam Zam

Salam
PDF ki qeemat ₹12 sirf isliye rakhi gayi hai taake aap is kitab ko lekar serious rahein aur ise zaroor padhein.

InshaAllah, is PDF se jama hone wali poori raqam Rajab Ali Khayyat (r.a.) ke naam se 13 Sept ko Rajab Ali Khayyat ki death anniversary par isaal-e-sawab ki niyyat se yateem aur zarooratmand gharon mein rashan kits pahunchane ke liye istemal ki jayegi.
Note: Agar kisi wajah se, chahe koi bhi majboori ho, aap payment nahi karna chahte, to koi harj nahi. Aapko ye PDF FREE  de di jayegi. ❤️
FREE BOOK PDF Chahiye to hamare INSTAGRAM PAGE'S KE BIO ME LINK HAI waha say download kar sakte hain.

“The Elixir of Love” [Ishq ka Zam Zam] Shaykh Rajab Ali Khayyat ki zindagi aur unke roohani safar par mabni ek aham kitab hai. Ye kitab, InshaAllah, aapko Rajab Ali Khayyat (r.a.) ki zindagi ke har pehlu se Allah ki Ma'rifat hasil karne ka tareeqa sikhayegi. Unki zindagi ka har pehlu hamari apni zindagi ke liye rehnumai ka zariya ban sakta hai. Ye Har Umr Ke Logon Ke Liye Hain Khas kar jawan larka aur larkiyon Ke Liye Hain.
📖 Is kitab mein aap jaanenge:

• Aapka kaam kaisa hona chahiye?
• Aapki job aur karobar kaise hona chahiye?
• Aap shop/business kaise chalayein?
• Aapka bolne ka andaaz kaisa ho?
• Ghar mein aapka rawaiya kaisa ho?
• Bahar logon ke saath aapka bartao kaisa ho?
• Aapke dost kaise hone chahiye?
• Aapka khel aur tafreeh kaisi honi chahiye?
• Khandan mein aapka rawaiya kaisa ho?
• Rishtedaron se aapka taluq kaisa ho?
• Padosiyon ke saath aapka bartao kaisa ho?
• Aap khana kya aur kitna khayein?
• Aapka rehna-sehna kaisa ho?
• Aap kaam kis tarah karein?
• Market mein jana aur wahan bartao karna kaisa ho?
• Aapke sona aur aaram karne ka tareeqa kaisa ho?
• Logon se milne-julne ka andaaz kaisa ho?
• Logon se baat karne ka tareeqa kaisa ho?
• Aapki namaz ka andaaz kaisa ho?
• Allah se dua maangne ka tareeqa kya ho?
• Allah se ishq aur mohabbat kaise paida ki jaye?
• Aapki nazar mein duniya ki haqeeqat kya honi chahiye?
• Apni aakhirat ko kaise behtar banaya jaye?
• Walidain ke saath taluq aur rawaiya kaisa ho?
• Behan-bhaiyon ke saath taluq kaisa ho?
• Aur sabse badhkar, apne Moula Imam-e-Zamana (a.j.) se apna taluq kaise mazboot kiya jaye? Aur bhi bahut si cheezein aapko is kitab mein milengi.

Is kitab ki khoobsurti ye hai ke in baaton ko sirf naseehat ki surat mein nahi, balki Rajab Ali Khayyat (r.a.) ki zindagi ke waqiat aur tajurbaat ke zariye samjhaya gaya hai. Yani zindagi ke chhote se chhote amal se lekar Allah ki Ma'rifat aur Aakhirat ki tayyari tak—har pehlu se aapko kuch seekhne ko milega. Bas zaroorat is baat ki hai ke hum in baaton ko sirf padhein nahi, balki apni zindagi mein amal bhi karein. InshaAllah, ye kitab aapki zindagi ko behtar banane aur Allah se aapka ta'alluq mazboot karne mein ek khoobsurat rehnuma sabit hogi